BOIRO > Un tramo da rúa Pincipal de Boiro, concretamente o comprendido entre a discoteca Tonos e a cafetería Bay Bay, permaneceu pechado ó tráfico durante varias horas debido á colocación dun guindastre de grandes dimensións que será empregado para a instalación dun ascensor nun edificio desta rúa.
Esta situación provocou que os automóbiles que habitualmente circulan por esta zona tiveran que ser desviados pola rúa Salvador Allende en dirección á Praza da Mancomunidade ou por Pablo Iglesias.
O cambio circulatorio non provocou demasiados problemas no casco urbano boirés xa que a Policía Local instalou previamente na zona sinalización provisional para que os condutores estiveran axeitadamente informados.
Redacción Barbanza
