BOIRO> O Centro de Formación de Espiñera acolle os días 14 e 15 de maio a segunda feira de Emprego do Barbanza. A xornada do mércores estará dirixida a empresas mentres que o xoves desenvolveranse obradoiros formativos para demandantes de emprego que terán ademais ocasión de iniciar contactos con firmas empresariais e coñecer as súas ofertas laborais.
A Intelixencia Artificial e a Economía Circular centrarán a primeira xornada da Feira de Emprego do Barbanza. Celebrarase este mércores con dous foros dirixidos ó mundo empresarial.
Xa o xoves tocaralle a quenda ós demandantes de emprego. Desenvolveranse tres obradoiros formativos a cargo de Recursos Galicia, Nortempo e ABE.
Ademais de recibir formación para mellorar a empregabilidade, os asistentes terán oportunidade de iniciar os contactos co tecido empresarial da comarca.
