VILAGARCÍA > O Club de Leones organizou unha nova campaña de captación de donantes de órganos. Foi en Vilagarcía, onde conseguiron que 643 persoas solicitasen o seu carnet de donante. A maioría delas, son mulleres e de Vilagarcía, a onde pertencen máis de 500 dos novos donantes.
503 veciños de Vilagarcía, 82 de Vilanova, 11 da Illa e 4 de Caldas son as persoas de Arousa que pediron o seu carnet de donante a través das distintas campañas realizadas polo Club de Leones de Vilagarcía. Ademais interesáronse 40 persoas do resto de Galicia e 3 de España, facendo un total de 643 persoas, das que 374, máis da metade, son mulleres. A última destas mesas instalouse durante a fin de semana na Praza de Galicia de Vilagarcía onde recibiron de novo numerosas solicitudes para tramita-la tarxeta de donante. Deste xeito o Club de Leones espera conseguir cada vez un maior número de donantes e concienciar á sociedade da importancia deste acto solidario que permite salvar vidas.
Redacción Salnés
