O BNG aspira a gobernar nas sete principais cidades galegas

    candidatosbng2_100_030706.jpgPONTEVEDRA > O BNG arrancou xa a súa precampaña electoral de cara as municipais de 2007 e presentou ós candidatos ás sete principais cidades galegas. O acto celebrouse en Pontevedra, onde repetirá como cabeza de cartel o actual alcalde, Miguel Anxo Fernández Lores. Os nacionalistas auguran a superar os 38 concellos onde goberna ou cogoberna hoxe en día.

    candidatosbng_300_030706.jpgO BNG asegura que gobernará en tódalas cidades e multiplicará o número de alcaldías nas vindeiras eleccións municipais. Así o manifestou o voceiro nacional Anxo Quintana na presentación dos candidatos ás sete cidades galegas. O acto celebrouse o venres á noite no recinto feiral de Pontevedra con 2.200 convidados. Arroupaban a Miguel Anxo Fernández Lores por Pontevedra, Santiago Domínguez (Vigo), Xosé Antón Laxe (Lugo), Xoán Xosé Pita (Ferrol), Alexandre Sánchez (Ourense), Néstor Rego (Santiago) e Enrique Tello (A Coruña).

    Actualmente, o BNG goberna e cogoberna en 38 concellos, e esa cifra vaise multiplicar, segundo Quintana, que considera que estes candidatos encabezarán o cambio. En nome dos candidatos falou o alcalde de Pontevedra. A experiencia e o balance de sete anos de goberno permitíronlle a Miguel Anxo Fernández Lores afirmar que hai outras cidades posibles, poñendo como exemplo a capital do Lérez. Os nacionalistas apostan por un modelo de cidade participativa e respetuosa cos seus recursos, lonxe segundo Lores, dos modelos urbanos do PSOE e do PP.

    Redacción Salnés