RIBEIRA > Un incendio afectou unha vivenda do edificio “Lumago” da rúa Marcial de Adalid de Ribeira. Polo momento descoñécense as causas polas que o inmoble comezou a arder aínda que todo indica a que as lapas se orixinaron a causa dun curtocircuito nunha das habitacións, na que había unha prancha e unha morea de roupa.
Ata o lugar desprazáronse efectivos da policía local e protección civil de Ribeira, que procederon a corta-la rúa ó tráfico, así como unha ambulancia do 061.
O lume iniciouse nunha habitación do inmoble na que había unha prancha e unha morea de roupa. Nese momento non había ninguén no interior da vivenda afectada e aínda que as lapas foron apagadas antes de que se extendesen a outras habitacións, os bombeiros ordenaron a evacuación inmediata de tódolos veciños do edificio. 
No incendio non resultou ferida ningunha persoa aínda que a ambulancia do 061 tivo que asistir a unha persoa maior a causa dunha crise nerviosa. Polo momento, non se coñecen as causas aínda que as primeiras investigacións apuntan a que puido ser un curtocircuito nunha das habitacións da vivenda na que había unha prancha e unha morea de roupa.
Redacción Barbanza
