CALDAS > Hai que ir a por eles. Así de rotundo se amosou o delegado de Medio Rural en Pontevedra en relación cos incendiarios, os que tildou de ‘terroristas’. Gonzalo Constenla visitou a zona de Saiar en Caldas para reunirse cos membros da Comunidade de Montes tralo incendio que asolou máis de 200 hectáreas e que colapsou o tráfico na AP9.
Para Medio Rural non hai dúbida. Os incendios que están cubrindo os montes galegos son provocados. No que vai de tempada estival arderon nas comarcas pontevedresas máis de 500 hectáreas de superficie arbolada, das que case a metade son da zona de Saiar en Caldas.
A preocupación é evidente para comuneiros e consellería. A este paso, aseguran, quedamos practicamente sen monte. Despois do incendio que aínda se estinguiu o martes en Caldas, Medio Rural asegura ter datos e estar a investigar o acontecido. As medidas que prevé tomar pasan incluso por endurecer o Código Penal.
Redacción Salnés
