O GROVE> A Sétima edición da Gala do Marisco 2011 congregou este pasado venres centos de persoas na Praza do Corgo; para poñer a nota musical…
{flowplayer}images/salnes/gala_do_marisco_2011.flv{/flowplayer}
… á apertura desta festa de exaltación culinaria que conta con tantos adeptos dentro e fóra da nosa comarca. Tras cear os exquisitos mariscos galegos que se preparan cada tras ano na carpa lindeira, non hai mellor maneira que baixar a comida bailando ó suave son de varios cantantes recoñecidos.
Baixo a presentación do animador e dj local, Javi Solla, pasaron por este escenario varios intérpretes de sona nacional, como é o caso da madrileña María López, ex-finalista dun coñecido programa buscatalentos, que estrou na península grovense o seu primeiro disco en solitario baixo un novo nome artístico, Mey Green.
De seguido, grovenses e visitantes puideron deleitarse con outras actuacións artísticas, como Kiko Gaviño, o artista gaditano ex-compoñente de Los Caños e do dúo Kiko e Shara, que arestora estrea a súa campaña en solitario.
Pero sen dúbida a actuación máis agardada foi a de Pastora Soler, que xa leva tres lustros de traxectoria musical.
A gala rematou ca actuación do grupo América que mesmo se atreveu con cancións a capela. Máis aló deste concerto, a música continuará acompañando este cuadraxésimo oitava edición da Festa do Marisco ata o vindeiro 12 de outubro.
Redacción Salnés
