RIBEIRA > As augas da dársena ribeiresa presentan estes días un aspecto inusual con varias manchas de ton vermello que, nun primeiro momento, fixeron salta-la alarma sobre a presenza dun novo vertido contaminante. Sen embargo, as análises posteriores confirmaron que son produto da polinización de certas algas provocadas polos cambios na temperatura.
A presenza desta manchas de ton encarnado, que se extendían ata o paseo marítimo de Coroso, alertou a varios veciños e mariñeiros da posibilidade dun novo vertido contaminante. Sen embargo, fontes de capitanía Marítima e a Policía Local disiparon pronto as dúbidas informando de que os residuos procedían de restos de algas que chegaron á ría.
A hipótese máis probable é que un cambio de temperatura provocou variacións en certos tipos de alga facendo que expulsaran o polen.
Esta non é a primeira vez en que se rexistra unha mancha destas características na zona posto que en Muros detectouse outro caso similar a principios de verán. A pesar da vistosidade das manchas non supoñen ningún risco medioambiental nin unha ameaza para as especies mariñas.
Redacción Barbanza