PONTEVEDRA > A Irmandade Galega de Venezuela e mailo escritor e intelectual Francisco Fernández del Riego…
…foron os galardoados pola Deputación de Pontevedra cos premios Entreculturas 2006. Seis mil euros a cada un recoñecen os traballos dentro e fora de Galicia en prol da solidariedade maila integración. O xurado cualificador do Premio Entreculturas 2006, promovido pola Deputación Provincial de Pontevedra, concedeu o galardón á Irmandade Galega de Venezuela e a Francisco Fernández del Riego.
Nun emotivo acto celebrado onte e no que se fixo entrega dun dos premios, dotados con 6.000 euros cada un, galardoados e representantes fixeron gala do labor feito en prol da integración entre culturas.
A Irmandade Galega de Venezuela foi galardoada no capítulo de entidades ou persoas do mundo hispano e da emigración como institución que desenvolve actividades culturais, asistenciais e deportivo-recreativos en beneficio de todos os galegos emigrantes en Venezuela e que lles serve como centro de acollida.
Pola súa banda Francisco Fernández del Riego foi galardoado no capítulo de persoas ou entidades que traballan dende Galicia para premiar a súa longa traxectoria, como unha das figuras máis relevantes do ensaio e a crítica galega e pola súa extensa obra e a súa achega a prol da cultura e a literatura galegas.
Redacción Salnés
