Máis de 40 deportistas ou clubs deportivos optan aos premios do deporte de Cambados

CAMBADOS> Cambados homenaxeará aos seus mellores deportistas do 2022. A vila recupera a súa gala do deporte con máis de 40 deportistas e clubs nomeados en 14 categorías diferentes. Ademais tamén se entregarán 3 premios honoríficos a tres persoas que dedicaron a súa vida por algún club de Cambados.

O concello de Cambados recupera neste 2023 a súa gala do Deporte. Será a terceira edición dunha entrega de premios que se viu paralizada por motivo da pandemia. Máis de 40 deportistas e clubs divididos en 14 categorías optan a facerse cun destes recoñecementos.

A gala serve para poñer en valor a importancia do deporte en Cambados e para incentivar aos máis pequenos a que sigan practicando deporte.

Ademais tamén se entregarán tres premios honoríficos para tres persoas que dedicaron a súa vida a loitar por algún club de Cambados.

A gala terá lugar o 18 de marzo no auditorio da xuventude a partir das 20 horas. A entrada é de balde ata completar a capacidade de ocupación.

DEIXAR UNHA RESPOSTA

Por favor, engade un comentario!
Por favor, engade o teu nome aquí