CAMBADOS > O concello de Cambados manterá aberta a gardería municipal porque é legal e segura. Así se fixo saber dende o goberno local que acusa a…
Así se fixo saber dende o goberno local que acusa a vicepresidencia de estar disposta a incumprir a lei como estratexia dunha campaña de acoso e derrube contra o municipio cambadés. O concello resérvase as accións legais oportunas para esixir á concellería que cumpra o convenio de ampliación da escola infantil.
Dende o grupo de goberno local ven na actitude de vicepresidencia tinturas políticas no conflicto da gardería municipal que enfronta a concello e Xunta dende fai máis dun mes. Cambados presentará un recurso de alzada contra o cese de actividade decretado contra o ‘presunto módulo ilegal’. Os motivos son dous: que se lle esixe ó concello que repare unhas deficiencias que xa están subsanadas e que o centro conta cunha licencia de actividade que se atopa en perfectamente en vigor segundo informa o concello.
Namentres, en vía administrativa se discute o formalismo sobre a existencia de 4 ou 5 unidades, o secretario xeral de Vicepresidencia, Antón Losada, esixe que no prazo dunha semana se regularice a situación ou se deixará de pagar o estipulado en convenio para a ampliación da gardería e que dende o concello aseguran que se trata dun convenio financiador dunha obra que cumpre a normativa vixente. O equipo de goberno cambadés tilda de totalitaria a actitude de Vicepresidencia e pide ó PSOE de Cambados que non sexan cómplices do que consideran un atropelo dos nacionalistas.
Redacción Salnés
