Centos de nenos ribeireses aprenden a respecta-la natureza no Día da Árbore

    diaarbore_100_210307.jpgRIBEIRA > Centos de escolares participaron nas actividades programadas polo concello para a celebración do Dia da Árbore.

    Aproximadamente trescentos escolares de Ribeira e corenta integrantes da Asociación de Persoas con Diversidade Funcional ‘Ambar’ compartiron unha xornada dedicada á natureza no parque de San Roque. O motivo non era outro que conmemorar o Día da Árbore, que dende hai anos se vén celebrando o día 21 de marzo coincidindo co equinoccio de primavera.

    Os nenos tiveron oportunidade de coñecer o parque e as distintas especies autóctonas que o conforman. Os membros da escola – taller ‘Illa de Sagres’ foron os encargados de explicar como son e en que se diferencian as distintas especies a través dunha serie de diapositivas e traballo de campo. Os pequenos tamén desenvolveron diversas actividades no invernadoiro habilitado pola escola-taller no parque periurbano e coñeceron as dependencias do centro de interpretación. Unha das actividades máis atractivas dos cativos foi a prantación de árbores, que realizaron coas súas propias mans.

    Ademais de divertirse nesta xornada de xogo, os pequenos tomaron conciencia da importancia de coida-lo medio ambiente e respecta-la natureza, este e tódolos días do ano. Nos vindeiros anos, a Concellería de Educación de Ribeira seguirá promover actividades similares para conmemorar esta data tan especial, que de seguro, ningún cativo vai esquecer.

    Homenaxe

    diaarbore_200_210307.jpgPero non só os máis novos desfrutaron da celebración do Día da Árbore. Con motivo do ano do centenario, o concello decidiu render homenaxe a outros colectivos da poboación coa prantación de tres olivos

    O primeira, o do maior, foi prantado por unha representación das directivas dos clubs de xubilados de Aguiño, Palmeira, Ribeira e Corrubedo. A prantación do segundo olivo, o do ensino, correu a cargo do colectivo de mestres mentres que unha representación do colectivo das amas de casa foi a encargada de pranta-la terceira árbore, a da familia.

    Con este xesto, o executivo ribeirés pretende recoñecer a labor destes tres colectivos que tanto contribuíron a constiuír a cidade de Ribeira tal e como é hoxe en día. Por este motivo, coincidindo coa chegada á súa fin do ano do centenario, procedeuse á prantación destas tres árbores e á colocación das pracas distintivas de pedra que lembrarán este acto. O obxectivo é que permanezan no recordo de todos aqueles veciños e visitantes que se acheguen ó parque.

    Redacción Barbanza