PONTEVEDRA > O Hospital Miguel Domínguez acaba de estrear dous quirófanos dixitais, os máis avanzados de Galicia, …
… especialmente deseñados para cirurxía endoscópica. Nesta nova aposta pola tecnoloxía de vangarda aplicada á medicina, o hospital investiu medio millón de euros.
O Hospital Domínguez de Pontevedra presentou hoxe os seus novos quirófanos dixitais. Desde finais de xaneiro, tanto a sala dúas, dedicada a cirurxía laparoscópica, como a 4, para operacións artroscópicas e medicina deportiva, están dotadas de equipos dixitais de última tecnoloxía. O Hospital investiu uns cincocentos mil euros nestes quirófanos, os máis avanzados de Galicia, tal como destacou o director Miguel Domínguez:
O director operativo do hospital, Carlos Paz, indica que estes quirófanos dixitais permiten unha nova forma de operar cunha técnica menos invasiva para o paciente, que lle permite ademais unha recuperación máis rápida e cun resultado estético mellor. Tamén é máis eficiente e proveitosa para o cirurxián, xa que lle permite centrar a súa atención no paciente, sen preocuparse tanto do equipo. Estes quirófanos dixitais dispoñen ademais de tódolos equipos suspendidos do teito, facilitando a mobilidade do persoal cirúrxico e un ambiente máis estéril na sala.
Redacción Salnés
