RIBEIRA> A Deputación da Coruña achegará este outono ata Ribeira tres propostas culturais. Trátase do concerto de Uxía, na súa xira de 40 aniversario, e as actuacións do grupo de jazz Sumrrá e a asociación cultural Donaire.
Xunto coa Mostra de Teatro, a música será outra das grandes protagonistas da programación cultural de Ribeira para este outono. A Deputación da Coruña achegará á capital do Barbanza tres propostas que se celebrarán no auditorio municipal con entrada gratuíta. A primeira delas será xa a próxima semana co concerto de Uxía programado para o 20 de setembro.
Xa en novembro tocaralle a quenda ó grupo de Jazz Sumrrá que ofrecerá un concerto o 15 de novembro. Pechará este ciclo a agrupación cultural Donaire que encherá o auditorio de música tradicional o día 22 de novembro.
Os tres espectáculos serán de balde ata completar aforo. Drán comezo ás oito da tarde e poderán retirarse as invitacións media hora antes do inicio de cada función.
