A Cámara de Comercio de Vilagarcía pídelle compromisos a Vivenda e Solo

    carlosoubina_100_130407.jpgVILAGARCÍA > O presidente da Cámara de Comercio de Vilagarcía insiste na necesidade de facer un plan sectorial a longo prazo.

    Ésta é precisamente unha das peticións que a Cámara de Comercio lle fixo á conselleira de Vivenda e Solo nunha carta que lle enviaron recentemente e na que tamén lle esixen que se axilicen os trámites e os plazo das obras comprometidas e se fixe canto antes un plazo de actuacións en polígonos da demarcación.

    O envío da misiva responde á tardanza do director xeral de Vivenda e Solo e da propia conselleira, Teresa Táboas, en respostar ás promesas feitas por ambos na propia sede da Cámara. Aseguraran entón que ían axiliza-los polígonos Vilanova I e II, estuda-la ampliación do Pousadoiro e dar solución en breve ás peticións da Cámara xa que coincidían plenamente con eles nas necesidades da comarca. Sen embargo a día de hoxe nada saben de todas estas promesas.

    Compra de oficinas

    Por outra banda o presidente cameral anunciou que antonte se executou a compra das antigas oficinas do Inem, que quedan no mesmo edificio que ocupa a Cámara e que se converterán nun Centro de Formación Empresarial. Para a compra e a remodelación destas instalacións a entidade conta cun orzamento de 187.000 euros.

    A intención do presidente é que o primeiro curso poida comezar en outubro. Deste xeito tamén poderán remodelar as actuais oficinas para darlle cabida a novos servizos e máis comodidade ós traballadores e socios da Cámara. Con esta actuación cumprirase un dos grandes desexos do presidente.

    Redacción Salnés