PONTEVEDRA > O candidato do PP á alcaldía de Pontevedra, Telmo Martín, visitou hoxe a EDAR de Praceres.
O candidato dos populares avanzou que no seu proxecto para a cidade do Lérez non ten cabida unha depuradora neste emprazamento. Hoxe o candidato dos populares á alcaldía de Pontevedra, Telmo Martín, visitou a EDAR de Praceres para coñecer de primeira man a situación actual da depuradora. Martín falou do seu plan integral de saneamento para o concello e recordou que máis de 15.000 pontevedreses aínda carecen deste servicio.
O candidato do PP recordou que esta depuradora leva terminada máis de tres anos e que debido a problemas burocráticos continua parada. Telmo Martín asegurou que quere construír unha nova depuradora cun orzamento de 50 millóns de euros. Esa futura depuradora non estará neste emprazamento xa que e incompatible coa “Praia de Pontevedra”, un dos pilares do programa de Telmo Martín.
Redacción Salnés
