Arrancan as actividades ó aire libre para os maiores de Ribadumia

natacionribadumia100_120707.jpgRIBADUMIA > Natación e ximnasia de mantemento son as actividades das que poderán gozar os maiores de Ribadumia…

… A concellería de Servizos Sociais organizoulles un programa deportivo ó aire libre que ten como escenarios a piscina de Cabanelas e o parque da Carballeira de Ribadumia. Esta mañá tocoulles nadar.

A piscina de Ribadumia acolleu hoxe a primeira clase de natación para maiores, dentro das actividades de verán ó aire libre organizadas pola Concellería de Servizos Sociais. O obxectivo é ofrecer a este colectivo espazos propios de ocio e de relación, fomentar o deporte con actividades frescas e atractivas, mellorar o seu estado de ánimo e de saúde e proporcionar maior axilidade. Deste xeito, desde hoxe, os xoves e os luns os maiores teñen unha cita na piscina de Cabanelas.

As clases serán polas mañás, de once a doce. A natación serviralles para favorecer a actividade do sistema cardio respiratorio muscular e actuará de efecto hidroterapéutico e de mellora dos síntomas de enfermidades óseas. Ademais, os venres, de dez e media a doce terán ximnasia de mantemento na Carballeira de Ribadumia, no parque de exercicios para a terceira idade. Estas actividades para maiores desenvolveranse durante os meses de verán, e os interesados en participar aínda poden inscribirse no Concello.

Redacción Salnés