VILAGARCÍA > Zona Aberta asinou un convenio co Hotel Louxo para que os socios poidan desfrutar de descontos no hotel e nos servizos que ofrece.
Os descontos afectan tanto ós servizos de spa como de celebracións no Hotel, anque segundo confirmou hoxe a comercial do Hotel Louxo, María Arias, o convenio ten carácter anual e inclúe atencións especiais como invitacións ó casino da Toxa, sesión diaria de parque marino, fruta e auga nas habitacións e posibilidade de desfrutar da habitación ata as 6 da tarde o día de saída.
Deste xeito Zona Aberta continúa ampliando os convenios con diversas organizacións que lle permiten ós socios obter importantes vantaxas.
Pero ademais a directiva da asociación de comerciantes aproveitou para darlle os vales de compra á gañadora do último sorteo da tarxeta de fidelización. Finalmente non foi a gañadora, Natalia María Cores Guillán a recolle-lo premio senón a súa nai e o seu fillo, quen anunciou que empregarían boa parte dos 200 euros en vales de compra en mercar ‘cueiros’ para o irmán que está a piques de nacer.
Redacción Salnés
