SALNÉS > Anque todo indicaba que se trataba dun novo caso de violencia doméstica, as versións sobre o sucedido son varias e contradictorias. O suceso ocorreu ás doce da noite en Meis, cando a muller, Mari Carmen Grande, caeu pola fiestra da súa casa sufrindo graves feridas. O seu home, Luís Otero, levouna a Montecelo onde os médicos deron aviso á Garda Civil ante un suposto caso de malos tratos.
Todo aconteceu no lugar do Marco, en San Salvador de Meis arredor das doce da noite cando un home, Luis Otero de 54 anos chegou a Montecelo coa súa súa muller, Mari Carmen Grande, ferida de gravidade.
Algunhas versións falan de que supostamente foi o home quen a arroxou pola fiestra. Varios veciños aseguraron que o matrimonio discutía bastante últimamente debido ó alcolismo do home. E ese puido se-lo desencadeante da pelexa de onte. Anque outras versións aseguran que Mari Carmen sufre unha depresión que a puido levar a tirarse ela mesma pola fiestra. O home, detido no mesmo hospital, quedou hoxe en liberdade tras declarar no xulgado de Cambados.
Redacción Salnés