VILAGARCÍA > Partían coma favoritos nos seus respectivos encontros pero caeron derrotados. Só o Establecimientos Otero foi quen de gañar.
O Extrugasa continúa gafado de cara a victoria. A excepción do encontro do pasado xoves no que caeron por trece puntos ante o BC Moscú, tódalas derrotas do equipo vilagarcián esta temporada chegaron nos últimos minutos e por escasas diferencias. O sábado tamén, ante o Rivas Futura co que caeron por 67-69.
A falta de acerto nos tiros libres nos derradeiros intres foi unha das claves do encontro. Púidose sentenciar antes de chegar á agónica última posesión que condenou ó equipo de Isaac Fernández a colleita-la cuarta derrota en Liga. Cun punto arriba e trece segundos por xogarse, o técnico decidíu non facer falta na derradeira posesión das visitantes; así, Argüello anotou un triple que deulle-la victoria ás madrileñas. Pese a derrota continúan quintas e con moitas opcións de meterse na Copa da Raíña.
Tamén perdeu o Inelga, desta volta ante o Lan Mobel por 59-75. Foi baixa no encontro Juan Mato, que tras non aparecer ó adestramento do sábado foi apartado do equipo. No estrictamente deportivo, os vilagarciáns desperdiciaron unha renta de 15 puntos ó descanso. Unha desastrosa segunda metade, na que encaixaron un parcial de 19-50, condenou ós de Espiñeira á súa séptima derrota da temporada. Pablo Villaronga caeu lesionado e perderase a última xornada do ano.
Por último, o Establecimientos Otero non tivo problemas para superar ó conxunto compostelano de La Salle Inmaculada por 82-55. Os cambadeses continúan segundos na táboa seguindo a estela do Cafegal Pabellón, que esta xornada derrotou, non sen problemas, ó cuarto clasificado Basquet Coruña (73-64).
{flowplayer}images/salnes/baloncesto171207.flv{/flowplayer}
Redacción Salnés
