RIBEIRA > Os veciños de Palmeira veñen de amosa-lo seu malestar pola construción dunha ponte superior sobre a autovía no lugar de Ventín.
{flowplayer}barbanza/ponteventin.flv{/flowplayer}
Se en anteriores ocasións foran os veciños de Rianxo, Dodro ou Pobra do Caramiñal os que se queixaban do resultado das obras da autovía do Barbanza, agora os que amosan o seu malestar con esta actuación son os veciños de Palmeira.
O foco das críticas, unha nova ponte na zona de Ventín, que une esta parroquia ribeiresa con Moldes, cun tamaño inferior á anterior, e que debido á súa escasa anchura non permite o paso de dous vehículos á par. Dase a circunstancia ademais que esta vía de comunicación é empregada diariamente por un gran número de vehículos.
Iniciativas parlamentarias
O deputado do Partido Popular, Manuel Ruíz, fíxose eco tamén desta denuncia dos veciños de Palmeira. Así anunciou que xa ten presentado varias iniciativas parlamentarias nas que solicita o inmediato arranxo da ponte.
Ruíz Rivas sinalou ademais de que ó longo de toda a autovía estanse a realizar numerosos incumprimentos do proxecto inicial que non veñen máis que a beneficiar á empresa adxudicataria.
Redacción Barbanza