VILANOVA > Novo desencontro entre Política Territorial e Concello de Vilanova. O asunto en lida agora é o PXOM.
{flowplayer}images/salnes/duran.flv{/flowplayer}
VILANOVA > O atraso na aprobación definitiva do PXOM de Vilanova débese segundo Política Territorial á falta de documentación por parte do Concello. O goberno local tería que remitir os informes ambientais precisos, sen embargo, o alcalde afirmou hoxe que dita documentación xa a teñen en Urbanismo desde novembro. Nesa mesma data a Dirección Xeral de Desenvolvemento Sostible remitiu o informe por fax ó Concello e nel indícase que tamén se lle notificara a Política Territorial.
O alcalde vilanovés instará a Política Territorial a recoñecer o silencio administrativo neste asunto e non descarta levalo ós tribunais. Durán considera que en Política Territorial menten e poderían estar incorrendo en prevaricación. Durán chegou incluso a insinuar que de saír adiante agora este PXOM sería papel mollado e calquera veciño o podería recorrer nos tribunais por envialo fóra de prazo.
Redacción Salnés
