VILAGARCÍA > O domingo celébrase a décimo terceira edición da Marcha Cicloturista Arousá, que organiza o Club Ciclista Xiabre, de Vilagarcía. Nesta ocasión conta cun aliciente especial, xa que contará coa presencia de Marcos Serrano.
O redondelán acaba de aparcar a bici tras 15 anos como profesional nos que pasou polos equipos Kelme, ONCE, Liberty Seguros e Karpin Galicia. En canto á marcha, percorrerá 110 quilómetros, con saída da praza de Ravella, en Vilagarcía ás nove e media da mañá. Seguirá logo polos concellos de Catoira, Pontecesures, Meis, Ribadumia e Cambados. Como en edicións anteriores, a Marcha será neutralizada, cunha velocidade media de 25 quilómetros por hora. A organización espera que se sumen 150 cicloturistas.
Redacción Salnés
