RIANXO > O executivo rianxeiro aprobou en solitario a conta xeral do ano 2007, cos votos en contra do BNG e do PP.
Fóra da habitual cordialidade existente na maioría dos plenos que se celebran en Rianxo, a sesión deste sábado caracterizouse polo clima de enfrontamento entre o Bloque Nacionalista Galego e o Partido Socialista. O motivo da disputa non era outro que a aprobación da conta xeral do exercicio 2007, que saíu adiante cos votos a favor do equipo de goberno e os votos en contra do PP e do BNG. Aínda así no debate a voceira do BNG, Adelina Ces, acusou ó equipo de goberno de prever uns ingresos fantasma. Segundo ela dos máis de trece millóns de euros de ingresos previstos, o recadado non chegou nin ó 50%.
{flowplayer}barbanza/plenoextraordinariorianxo.flv{/flowplayer}
Elevada débeda
Adelina Ces tamén se referiu á importante débeda que presenta actualmente o concello que se sitúa ó redor dos cinco millóns setecentos mil euros. Unha cifra que segundo ela ven a demostrar o fracaso absoluto do plan de saneamento económico posto en marcha polo executivo para o período 2004-2007. Un dato que foi negado dende as filas socialistas, argumentando que a débeda do concello non chegaba nin por moito a esa cifra.
Redacción Barbanza
