NOIA> Hai varias semanas o executivo noiés daba por concluídas as obras de acondicionamento do entorno da igrexa do Obre.
A actuación, cun orzamento de preto dos 40 mil euros financiados con cargo a fondos europeos do Plan de Sostibilidade Turística no Destino, permitiu a renovación dos servizos básicos así como a humanización da zona, dotándoa de maior atractivo e mellorando a accesibilidade.
A actuación forma parte da estratexia do goberno local de ir mellorando os espazos históricos cos que conta o municipio, para conservalos e facelos máis atractivos.
