RIBADUMIA> A veciñanza de Ribadumia ten unha cita o vindeiro 10 de maio na Festa da Familia. A xornada inclúe distintos tipos de actividades de lecer, educativas e culturais. O obxectivo é promover a convivencia familiar e veciñal e fomentar os valores da inclusión e a saúde. Nesta proposta inclúense, por exemplo, distintos xogos, postos informativos de distintas asociacións e mesmo un contacontos para a rapazada.
Neste escenario, ao carón da Casa do Concello, vai ter lugar o vindeiro 10 de maio a Feira da Familia de Ribadumia. A iniciativa acada xa a súa décimo sexta edición, convertida nun punto de encontro para toda a veciñanza.
Nesa liña, con esta proposta o concello aproveita para reivindicar os distintos modelos de familia que conviven no municipio.
E conforme a sociedade foi mudando a Feira da Familia de Ribadumia foi medrando. Pasou de ser un evento pequeno a converterse nunha gran cita ateigada de actividades de lecer, educativas e culturais.
O día rematará cunha merenda, única das propostas que precisa de inscrición previa ata o 7 de maio.
