RIBADUMIA> O informe que encargou a Deputación sobre a ponte de Barrantes di que a infraestrutura está en mal estado …
… e precísase modificar a súa estrutura superior.
O documento realizado pola empresa Enmacosa, destaca que os piares e estribos da ponte están conservados adecuadamente. Só se aprecian pequenas gretas nun deles e recomenda un seguimento para comprobar a súa evolución. Tampouco ve problemas de funcionamento na cimentación, sempre que non se aumenten ou diminúan drasticamente as cargas que soporta actualmente.
Onde si ve eivas é na estrutura de formigón armado. Di o informe que o seu deficiente estado de conservación afecta á capacidade de resistencia, presentando problemas de corrosión do aceiro e de adherencia do formigón. Por todo isto, os técnicos aconsellan substituír as vigas e o taboleiro da ponte por unhas novas correctamente deseñadas e executadas, xa que restaurar as actuais tería un custe demasiado alto.
Na Deputación xa se traballa na redacción do proxecto, con dúas posibilidades: reformar toda a estrutura superior e construír una alternativa para o paso dos peóns, ou deixar a ponte actual para uso dos veciños e construír outra nova para o tráfico rodado.
Redacción Salnés