Os arousáns apoian o festival solidario contra a violencia de xénero

    festival_fillos_carmen_barcala100.jpgVILAGARCÍA> Unhas 350 persoas participaron este sábado na gala benéfica para recadar fondos para os fillos de Carmen Barcala.

    {flowplayer}images/salnes/FESTIVAL_FILLOS_CARMEN_BARCALA.flv{/flowplayer}

    VILAGARCÍA> Unhas 350 persoas participaron este sábado en Vilagarcía na gala benéfica para recadar fondos para os fillos de Carmen Barcala, a muller asasinada polo seu home en Portas en decembro pasado.

    A venda de butacas foi maior, xa que moitos contribuíron á causa comprando as localidades da fila cero. Ata mañá non se fará o reconto definitivo, pero a Fundación Amigos de Galicia calcula que conseguiu 7.000 euros para os seis orfos de Carmen Barcala. Na gala alentouse a revolta cívica contra a violencia machista.

    A gala celebrouse no Auditorio Municipal e contou sobre o escenario coas actuacións de A Roda e de Lucía Pérez, a cantante lucense que acaba de gañar o festival Viña del Mar, en Chile. O festival foi organizado por Amigos de Galicia, en colaboración coas concellerías de Cultura e Muller, e a Sociedade Xacobeo.

    Os cartos recadados permitirán sufragar parte dos préstamos e a hipoteca da casa familiar, na que seguen vivindo os seis fillos de Carmen Barcala. Antes desta gala, a fundación xa doara ós orfos 6 mil euros.

    Redacción Salnés