RIBEIRA> Os veciños alertaron a policia por mor do forte cheiro procedente do interior da vivenda, emprazada no lugar de Chacín na parroquia de Palmeira.
Antonio García González vivía só no número tres do lugar de Chacín, en Palmeira. O home, de 59 anos, non traballaba e apenas tiña relación coa súa familia polo que recibía frecuentemente axuda dos seus veciños, que deixaban sobras de comida na súa porta para axudarlle a alimentar os cans que recollía da rúa. Foi precisamente o feito de que non recollera as bolsas que colgaban na entrada da vivenda o que fixo sospeitar ós veciños de que puidera pasarlle algo.
{flowplayer}barbanza/mortopalmeira.flv{/flowplayer}
Sen alimento
As causas do falecemento todavía se descoñecen aínda que todo apunta a que o home levaba morto máis de dez días. Os cans, ó non ter quen lles alimentara, acabaron por devorar partes do corpo. Agora, tralo dramático suceso, os veciños só agardan que as autoridades municipais se fagan cargo dos animais que aínda permanecen na vivenda, que segue precintada.
Segundo explicaron os veciños, o falecido levaba toda a vida residindo na mesma casa en condicións moi precarias. Aseguran que tiña problemas de alcolismo, que poderían estar detrás das causas da morte, aínda que nunca tivo incidentes con ningún veciño. Polo momento, a investigación continúa aberta.
Redacción Barbanza
