PONTEVEDRA> José Manuel Cores Tourís presentouse hoxe como delegado da Xunta en Pontevedra diante dos alcaldes da provincia …
{flowplayer}images/salnes/TOURIS_DELEGADO.flv{/flowplayer}
PONTEVEDRA> José Manuel Cores Tourís presentouse hoxe como delegado da Xunta en Pontevedra diante dos alcaldes da provincia, a lo menos, os que lle asigna a nova composición do goberno a esta delegación territorial. Cores Tourís estivo arroupado polo conselleiros de Presidencia, Alfonso Rueda, e de Medio Ambiente, Territorio e Infraestruturas, Agustín Hernández, e polo presidente da Deputación provincial, Rafael Louzán.
O delegado definiuse como municipalista e ofreceuse a ser, amais de interlocutor, un compañeiro. O Conselleiro de Presidencia defendeu esta redución de cargos públicos e afirmou que Pontevedra vai gañar en austeridade, eficacia e eficiencia. Pediu a todos tempo para poder demostralo, ó tempo que defendeu a valía de Cores Tourís para este posto.
O primeiro encontro que manterá o novo delegado territorial será co alcalde de Pontevedra, un dos máis críticos coa nova reestruturación da Xunta. Miguel Anxo Fernández Lores cre que a delegación de Vigo, que atenderá a 14 concellos é unha agresión sen precedentes á capital da Provincia, que é Pontevedra. Desde a Xunta insisten en que ninguén vai perder con estes cambios.
Outro dos asuntos que xa ten en carteira o novo delegado territorial é a queixa dos funcionarios sobre a accesibilidade do edificio administrativo. O Conselleiro Alfonso Rueda indicou tamén que a vindeira semana a secretaria da consellería virá a Pontevedra para comprobalo.
Redacción Salnés
