MUROS> A Garda Civil continúa coa investigación do parricidio de Esteiro. Despois de que o presunto autor do crime ingresase en prisión, o obxectivo era dar coa arma homicida. Mergulladores do GEAS localizaron a machada nunha inmersión realizada esta mañá no peirao da localidade.
O Xulgado de Garda de Muros decretou o ingreso en prisión de Antonio Mayo como presunto autor da morte do seu pais. O detido e único acusado polo homicidio non recoñeceu os feitos e declarou ante a Garda Civil que foran uns asaltantes encarapuchados que accederon á vivenda os que acabaron coa vida do seu pai.
A investigación continuou ó longo desta mañá coas inmersións dos mergulladores do GEAS que conseguiron dar coa arma homicida. A Garda Civil sospeitaba que o autor dos feitos a arroxara ó mar antes de dar aviso ó 112 co fin de desfacerse de probas que o puideran incriminar.
Mentres tanto, a pequena localidade de Esteiro segue consternada ante este tráxico suceso que se saldou coa violenta morte dun veciño moi coñecido.
