CAMBADOS> O novo Delegado Territorial da Xunta de Galicia en Pontevedra e ex-alcalde de Cambados, José Manuel Cores Tourís, recibiu onte…
{flowplayer}images/salnes/220509_cea_homenaxe_touris.flv{/flowplayer}
… unha homenaxe dos seus ex-compañeiros de consistorio. Funcionarios, persoal laboral e empregados do Concello organizaron onte unha cea homenaxe a xeito de despedida, logo dos seus once anos como alcalde.
Entre os asistentes figuraban o conselleiro de Presidencia, Alfonso Rueda, o Director da Administración Local, Norberto Unzal, e o actual alcalde cambadés, Luís Aragunde. O acto consistiu nunha cea nun restaurante local na que se deron cita o grosso dos traballadores do concello, que por boca do seu traballador máis veterano, agradeceron o comportamento con eles do ex-rexedor durante o seu mandato.
O propio Cores Tourís agradecía sinceramente este acto de homenaxe.
Os ex-compañeiros do Concello de Cambados quixeron agasallar ó rexedor cun reloxo que o acompañe nas horas desta nova andaina profesional. Tamén a súa muller recibiu un ramo de flores dos presentes.
A cea rematou, como calquera acto destas características que se precie, cun baile ó son dun grupo musical.
Redacción Salnés
