ILLA> O ex-técnico do Arousa asinou por unha temporada logo de recibir o visto bo á súa fichaxe por parte da directiva.
Se hai pouco lles confirmábamos a marcha definitiva do Céltiga de Josiño Abalde, apenas unhas horas despois o vigués xa ten sustituto no banquiño do Salvador Otero.
Especulábase con varios nomes: Pedro Ferreira, Milo Abilleira, ou Javier Oreiro pero ó final o elexido pola directiva para tomar as rendas do equipo a temporada que ven foi Pablo Vázquez.
O pontevedrés asinou onte a noite o contrato que o unirá co club da Illa a vindeira temporada, aínda que ambas partes non o quixeron facer público ata esta tarde.
A xuventude de Vázquez puido ante a maior veteranía dos outros candidatos, polo que terá a oportunidade de amosar a súa valía. Como saben dirixíu ó Arousa no tramo final da pasada campaña.
Redacción Salnés