A oficina de Turismo de Boiro estrea as mobiguías

    mobiguiasboiro_100_040909.jpgBOIRO> A mobiguía, na que o concello boirés é pioneiro na zona, foi desenvolvida pola empresa Loroestudio e financiada pola Deputación da Coruña cunha achega de 12 mil euros.

    {flowplayer}barbanza/moviguiasboiro.flv{/flowplayer}

    Esta mañá foi presentada no concello boirés a mobiguía, unha nova ferramenta de promoción turística coa que conta este municipio. Con ela preténdese capta-la atención do turista, que a través do seu teléfono móbil disporá de toda a información que precise sobre a localidade, que lugares visitar, restaurantes, aloxamentos ou comercios.

    Como descargalo

    Existen tres procedementos diferentes a seguir para descargarse a mobiguía no teléfono móbil: a través da páxina web www.boiro.org, enviando un SMS coa palabra Boiro ó 981090780 ou en exclusiva para os clientes de movistar e vodafone, a través dos códigos Bidi.

    Xestión de visitas

    O executivo boirés aproveitou tamén a ocasión para dar a coñecer un novidoso programa para a xestión de visitas da oficina de turismo. Os dous proxectos foron posibles grazas a unha subvención da Deputación da Coruña por valor duns 12 mil euros.

    Redacción Barbanza