VALGA> O presidente da empresa de aluminios propúxolle ó seu homólogo no Porto de Vilagarcía apostar por este medio para completar o tráfico de mercadorías portuario.
{flowplayer}images/salnes/070909_extrugasa.flv{/flowplayer}
O presidente da Autoridade Portuaria de Vilagarcía, Javier Puertas, quere que o Porto se converta nun apoio fundamental para as empresas situadas na súa área de influencia. Pero para iso, o primeiro é coñecer de preto a súa actividade e necesidades desde o punto de vista comercial e de tráfico de mercadorías. Neste obxectivo enmárcase a visita realizada á empresa de aluminios Extrugasa.
Durante a visita, o presidente de Extrugasa, Andrés Quintá, explicou a Puertas a importancia de fomentar o tráfico de mercadorías mediante ferrocarril ata o Porto de Vilagarcía. Deste xeito sacaríase partido a unhas infraestruturas que ademais de abaratar custes de transportes, tamén respectan ó medio ambiente.
Segundo Quintá, esta aposta polo ferrocarril podería ser unha boa medida de aforro para as empresas, sobre todo nestes momentos nos que a prioridade é axustarse o cinturón.
Redacción Salnés
