VILAGARCÍA> Os traballadores de Muebles Carballo manifestáronse esta mañá pola situación laboral que están a atravesar.
{flowplayer}images/salnes/protesta_muebles_carballo.flv{/flowplayer}
VILAGARCÍA> Esta mañá os vinte traballadores da empresa Muebles Carballo manifestáronse ás portas da mesma, en Vilagarcía. Tras o expediente de regulación de emprego que a empresa puxo en marcha, agora tamén solicitan o peche e a liquidación da empresa.
Os traballadores seguen coa súa vida laboral como cada día, atendendo ás demandas que lles van chegando, inda que o traballo vese complicado posto que o seu principal subministrador, a empresa Industrias Carballo para la Tecnología del Mueble, paroulles de realizar a entrega de mercancías.
Todo isto pódese chegar a complicar máis se as sospeitas da CIG se confirman. Dende o sindicato traballan para comprobar se ambas empresas, Muebles Carballo e Industrias Carballo para la Tecnología del Mueble, pertencen á mesma persoa, o que levaría a crer que se pretende o peche dunha para potenciar o crecemento da outra.
Á espera de que saia o ERE e de poder emprender as negociacións cos directivos da empresa, os traballadores xa levan dous meses sen cobrar e tamén se lles adeudan os atrasos do convenio. Polo momento volverán manifestarse o vindeiro venres a partires das 6 da tarde. Pero este non é o único caso de peche na comarca do Salnés.
Se se produce o de Muebles Carballo, xa estaríamos a falar de tres empresas que tiveron que cerrar as súas portas. Xunto a esta, están os casos de Cedonosa, en Catoira, e o de Novo Sierra en Valga.
Redacción Salnés
