O Universitario de Ferrol ameaza a racha do Extrugasa

baloncesto250_201109.jpgVILAGARCÍA> O Extrugasa defende liderato en Ferrol ante o Universitario, buscando ademais a súa séptima victoria consecutiva. Tito Díaz poderá contar con tódalas súas xogadoras para este choque ante un dos equipos más fortes da liga como local.

{flowplayer}images/salnes/baloncesto_201109.flv{/flowplayer}

O Extrugasa afronta a súa saída máis dura do que vai de liga, xunto coa do primeiro encontro ante o Bembibre. Enfronte un Universatario de Ferrol que se fai forte na casa, este ano tan só perdeu ante Pío XII, e que a temporada pasada conseguíu meterse entre as catro primeiras para disputar a fase de ascenso.

O seu xogo está baseado nun quintento titular que acapara o 75% dos minutos. Poucas rotacións por tanto para un conxunto no que resaltan as súas dúas xogadoras interiores, ambas norteamericanas: Brittany Miller e Kate Mills. O cinco complétano Carla Ramos, Natasha Radulovic e Marta Tudanca.

O ritmo lento e o poder reboteador son as armas deste equipo, algo que terá que contrarrestar o Extrugasa se é que quere vencer.

No cadro vilagarcián, Alejandra Nogueira e Cristina Souza pasaron por un proceso gripal durante esta semana e non se adestraron o luns e o martes. Sen embargo estarán, xunto co resto, listas para o choque.

Na Liga EBA, deberemos agardar ata o o mércores para a disputa do encontro entre Estudiantes e Establecimientos Otero. Os cambadeses solicitaron o aprazamento do partido debido á situación precaria coa que se presentarían en Lugo: Hugo e Pablo Míguez serían baixa por gripe, Marc Martret e Jesús por lesión, e Juan Mato por motivos persoais, o que deixaría ó equipo con seis xogadores.

O cadro lucense aceptou a solicitude do Xuven de adia-lo choque que agora disputarase o mércores a partires 21:15 horas.

Redacción Salnés