PONTEVEDRA> Máis de mil persoas, entre compromisarios e convidados, participarán este sábado pola mañá no Congreso Provincial do PP.
{flowplayer}images/salnes/congreso_pp.flv{/flowplayer}
PONTEVEDRA> Máis de mil persoas, entre compromisarios e convidados, participarán este sábado pola mañá no Congreso Provincial do PP de Pontevedra. Entre eles estarán os presidentes nacional e rexional do partido, Mariano Rajoy e Alberto Núñez Feijoo, que intervirán na clausura do Congreso.
Rafael Louzán opta a renovar o seu cargo de presidente provincial e a súa é ademais a única candidatura. José Juan Durán, secretario de Organización do PP de Pontevedra e presidente da comisión organizadora deste congreso, non esclareceu os nomes das persoas que compoñen a candidatura de Rafael Louzán. Tampouco aclarou se el mesmo continuará na nova executiva.
O congreso comeza o sábado ás dez da mañá no Pazo da Cultura de Pontevedra. Escoitaranse tres comunicacións sobre financiamento local, desenvolvemento sostible e mobilidade, e sobre política social e emprego. O lema será ‘A forza dos concellos’. A votación será sobre as 11 menos dez da mañá e á clausura está prevista para as 11 e media. O congreso será clausurado con discursos dos 3 presidentes provinciais, do secretario xeral do PPdeG Alfonso Rueda, e do presidente electo, amais de Feijoo e Rajoy.
Redacción Salnés
