BOIRO> Logo de madurar durante tempo a súa decisión…algo que lle custou e que non lle foi sinxelo, Carlos Rodríguez Muñiz anunciaba esta mañá a súa marcha da política municipal, polo de agora de xeito temporal. Non concorrerá ás vindeiras eleccións baixo sigla algunha, xustificando a súa decisión a razóns meramente profesionais…aínda así non o descarta para un futuro…
Rodríguez Muñíz fixo repaso tamén destes catro anos na corporación municipal, nun primeiro momento como membro da oposición e neste último ano e medio formando parte do goberno municipal, levando as competencias de Promoción Económica, Emprego, Formación e Turismo.
Segundo el o máis gratificante neste tempo foi poder axudar a moitos veciños que se achegaron ó Concello na busca e axuda.
Aproveitou a comparecencia ante os medios para mostrar a súa gratitude ó cadro de persoal do Concello, cuxo nivel de compromiso e profesionalidade, na súa ampla maioría, é moi elevado.
Vaise tamén agradecendo ós compañeiros e amigos que formaron parte da súa candidatura durante estes catro anos o arroupo amosado.