VILAGARCÍA> Os empregados de Granitos Triturados reclaman o apoio dos veciños para manter os seus postos de traballo.
{flowplayer}images/salnes/granitos_triturados.flv{/flowplayer}
VILAGARCÍA> Os empregados de Granitos Triturados reclaman o apoio dos veciños para manter os seus postos de traballo.
A empresa, situada en Meis, está afectada polas obras do macro nó de Curro e en cuestión de días deberá abandonar as instalacións. A dirección está disposta a trasladarse a outra parcela pero esixe que quede preto do emprazamento actual. Despois de varias propostas, a última é un terreo situado a 200 metros, no monte propiedade dos veciños de San Lourenzo. Os traballadores esperan agora que lle dean o visto bo, porque do contrario, a empresa veríase abocada ó peche.
Pero, a maiores do apoio veciñal, os traballadores e maila CIG esperan que Concello e Xunta cumpran cos compromisos verbais adquiridos coa empresa e empregados. Desde o Concello falouse de axilizar os trámites de licencias e desde a delegación territorial de Xunta de financiar parte do traslado.
Nesta situación están afectados 20 traballadores, a maioría veciños de San Lourenzo, pero tamén un cento de clientes que operan nas canteiras da zona.
Redacción Salnés
