RIBEIRA> O presidente do ente provincial anunciouno nunha visita que realizou a parroquia ribeiresa para inspeccionar as obras dunha senda para viandantes.
O presidente da Deputación de A Coruña, Salvador Fernández Moreda visitou o concello de Ribeira para inspeccionar a construción dunha senda peonil na estrada de Xarás a Olveira, na parroquia de Artes.
O mandatario provincial estivo acompañado no percorrido pola tenente de alcalde, Dolores Elorduy, así como por outros concelleiros da corporación local.
{flowplayer}barbanza/sendapeonildeputacion.flv{/flowplayer}
O investimento total desta actuación supera o medio millón de euros. A senda peonil de máis de dous quilómetros emprázase na estrada provincial 7304 de Artes, no tramo dende Xarás ata Olveira. O presidente provincial comprobou esta mañá sobre o terreo as obras executadas que, basicamente, consistiron na contrución dunha beiravía, con tramos de beirrúa de baldosa nos tramos urbanos.
Asemade, os traballos incluiron a renovación do pavimento en asfalto. Como traballos complementarios se executaron a rede de saneamento e se procedeu tamén a retirada de máis de cincuenta puntos de luz, colocándose sete novos postes de suministro eléctrico.
Rotonda no Vilar
O presidente da Deputación coruñesa aproveitou a súa presencia no lugar para presentar o proxecto de construción dunha pasarela peonil nesta misma estrada, no quilómetro 1,9, paralela a ponte. Esta actuación está orzamentada en setenta e oito mil euros.
Fernández Moreda tamén se referiu a intersección do lugar do Vilar, na parroquia ribeiresa de Carreira afirmando que na actualidade xa está redactado o proxecto técnico e tan só resta buscar financiación. A Deputación solicitou a colaboración do concello para a disponibilidade de terreos.
Redacción Barbanza
