PONTECESURES> A Corporación aprobou onte nun pleno extraordinario o reparto dos fondos do novo Plan E.
{flowplayer}images/salnes/pleno_cesures.flv{/flowplayer}
PONTECESURES> A Corporación de Pontecesures aprobou onte nun pleno extraordinario o reparto dos fondos do novo Plan E.
A este concello correspóndenlle 336 mil euros, dos que preto de 190 mil se destinarán á dotación de saneamento e instalación dunha depuradora de residuais nos lugares de Grobas e Fenteira. Colocaranse 1.200 metros de tubería para recoller as augas fecais destas dúas aldeas, e instalarase a EDAR en terreos cedidos por particulares. Tamén co Plan E se acometerá outra obra de saneamento na travesía da Rúa do Campo de Porto. Deste xeito completarase este servizo básico en todo o municipio.
O tripartito non conseguiu os votos a favor do BNG. Os nacionalistas están de acordo coa obra de Grobas, pero non así coas actuacións destinadas a edificios municipais. En total son sete proxectos. O goberno municipal financiará ademais con cargo ó Plan E arranxos no pavillón, no campo de fútbol e na casa de Cultura e biblioteca. Tamén se colocará unha marquesiña fronte á gardería e instalarase unha aplicación informática para modernizar a administración municipal.
Redacción Salnés
