VILAGARCÍA> Carta da rapazada do colexio de Rubiáns a Papa Noel. Nela os nenos e nenas piden para este Nadal o que veñen reclamando dende hai tempo: un cambio no transporte escolar que permita mudar os horarios do centro, que arranca a xornada ás 10 menos 10 da mañá.
Lembran que a actividade lectiva arranca moi tarde e que iso non só dificulta a conciliación, senón que tamén afecta á saúde dos cativos usuarios do comedor, que apenas teñen tempo para xantar.
Seguen á espera de que o problema se solucione, tal como se comprometera a Xunta no pasado mes de novembro.
