BARBANZA> A través desta iniciativa, que se levará a cabo nos 83 concellos da provincia con menos de 20.000 habitantes, o organismo provincial pretende reduci-lo consumo eléctrico nos municipios.
O Plan de Aforro Enerxético, que será levado para a súa aprobación plenaria a vineira semana, é o resultado da auditoria enerxética que se levou a cabo nun total de 83 concellos con menos de vinte mil habitantes de toda a provincia.
o proxecto inclúe preto de 2.500 pequenas accións a desenvolver como poden ser a substitución de lámpadas fluorescentes e bombillas por outras de baixo consumo, a instalación de detetores de presenza para o acendido e apagado do alumeado e de placas solares térmicas para a obtención de auga quente, así como tamen válvulas termostáticas en radiadores. Todo estes cambios serán realizados en instalacións públicas como é o caso de colexios, escolas infantís, pavillóns polideportivos, piscinas municipais, bibliotecas, ou nos propios consistorios.
A este presupuesto que supera o 1’8 millóns de euros hai que sumarlle os 123 mil euros que a institución provincial destina á dirección do equipamiento de aforro enerxético PEACE e os 50 mil que destina ó convenio de colaboración asinado coa Universidade da Coruña para o desenvolvemento deste programa.
Nas comarcas do Barbanza, Sar, e Muros-Noia beneficiaranse deste programa ata un total de 11 concellos: Dodro, Padrón, Rianxo, Boiro, Lousame, Porto do Son, Pobra do Caramiñal, Noia, Rois, Muros e Outes.
Redacción Barbanza
