VILAGARCÍA> O novo comité executivo local do PP de Vilagarcía celebrou onte a súa primeira reunión, onde se falou da apertura de contactos coa candidatura de Javier Puertas.
{flowplayer}images/salnes/pp_vilagarcia_fole.flv{/flowplayer}
VILAGARCÍA> O novo comité executivo local do PP de Vilagarcía celebrou onte a súa primeira reunión, e entre os asuntos abordados estivo a apertura de contactos coa candidatura de Javier Puertas.
Así o recoñeceu o propio Tomás Fole no programa Pleno Aberto. Fole recoñeceu que desde o congreso do pasado sábado non tiveron oportunidade de falar, pero indicou que xa houbo un ofrecemento mutuo de traballar conxuntamente. Segundo sinalou, os contactos iniciaranse a partir desta semana.
En entre dito están os actuais edís Jaime Ramos e Jesús Pérez Arca, que se presentaron ó Congreso na candidatura de Puertas. Fole ten claro que o futuro dos dous segue no Partido Popular.
O presidente do PP vilagarcián asegura que seguen interesados en integrar ó grupo independente IVIL no proxecto popular. O obxectivo primordial é unir cantos máis esforzos mellor para chegar á alcaldía en maio de 2011.
Na reunión da executiva local, Tomás Fole propuxo iniciar un proceso de captación de afiliados, tralo éxito de mobilización que tivo o congreso do sábado.
Redacción Salnés
