CAMBADOS> O Supremo confirmou as penas por asasinato impostas fai un ano a José Manuel González e Patrice Luise Pierre.
{flowplayer}images/salnes/CRIMES_FEIJOO.flv{/flowplayer}
En maio do ano pasado comezaba o xuízo polo crime dos Feijoo. No banco dos acusados sentaron catro persoas, Dúas foron absoltas: un cidadán francés que demostrou non estar no lugar dos feitos, e un empresario coruñés contra o que non se conseguiron reunir probas contundentes. Ás outras dúas, o xuíz da Audiencia Provincial de Pontevedra declarounos culpables de citar ós cambadeses Ricardo e José Ángel Feijóo, levalos nun coche ata un muíño abandonado, e atados de pés e mans, dispararlles ata matalos. E para borrar as pegadas, empaparon os corpos en gasolina e prendéronlles lume.
Patrice Louis Pierre Muñoz confesou os feitos, un axuste de contas por cuestións relacionadas co narcotráfico. E sinalou a José Manuel González Lacunza como coautor do crime. A Audiencia condenou a Lacunza a 49 anos de cadea por asasinato, detención ilegal, danos e roubo. A Muñoz reducíronlle a pena a 33 anos e 9 meses por colaborar coa xustiza.
Os dous apelaron a sentenza dos xulgados provinciais ante o Tribunal Supremo, pero este confirmou a decisión tomada no seu día pola Audiencia Provincial.
Redacción Salnés
