VILAGARCÍA> Baixo o lema ‘Así, non’, os sindicatos intentarán mobilizar á sociedade en contra da reforma laboral do goberno estatal.
{flowplayer}images/salnes/CCOO_FOLGA_XERAL.flv{/flowplayer}
Os sindicatos UXT e CCOO únense para convocar unha folga xeral que terá lugar o vindeiro vinte e nove de setembro. O obxectivo principal da convocatoria é evitar que a reforma laboral na que está a traballar o goberno central siga adiante. Os responsables da comarca aseguran que esta nova medida non vai servir para xerar emprego senón para que os traballadores perdan os seus dereitos e debilitar a negociación colectiva.
As actividades destes sindicatos na comarca, nestes momentos, céntranse na visita ás empresas do Salnés para informar ós traballadores dos motivos polos que se convoca a folga. Ademais, distribuirán pancartas polos diferentes concellos e se reunirán con outros colectivos coma confrarías, asociacións de comerciantes.
O día dezasete terá lugar unha reunión dos delegados de ambos sindicatos da comarca para ultimar os preparativos para o día da folga. CCOO e UXT agardan que a CIG se una a esta folga xeral para loitar polos dereitos dos traballadores.
Redacción Salnés
