VILAGARCÍA> Sálvora é a encargada de impartir os cursos de recuperación de puntos do carné de conducir.
{flowplayer}images/salnes/cursos_puntos_carnet.flv{/flowplayer}
Por 186 € o curso parcial e 351 o de recuperación total, os carnés recuperan os puntos perdidos.
En 2006 a Confederación Nacional de Autoescolas Españolas foi elixida pola Dirección Xeral de Tráfico para impartir os cursos de recuperación de puntos do carné de conducir e, adxudicou a cinco autoescolas da provincia esta tarefa. Hai dous centros en Vigo, un en Pontevedra e outro en Lalín e, para a comarca do Salnés, o Centro que imparte os cursos é Sálvora en Vilagarcía.
Os cursos son de dúas modalidades. O parcial, onde, en doce horas, se recuperan as perdas parciais de puntos e os totais, onde acoden os condutores que perderon todos os puntos e os que fan o curso obrigados por unha orde xudicial. Estes, duran 24 horas e un psicólogo intervén na formación. Ao rematar o curso, deberán examinarse de novo para o carné de conducir.
Os cursos teñen un claro obxectivo que é mentalizar aos conductores e conductoras de que son eles quen poden evitar os accidentes.
O director do Centro Sálvora asegura que non hai un perfil de persoa que perde os puntos, sen embargo o que si é unha constante é o factor alcoholemia nesa perda e que normalmente os alumnos, comezan o curso enfadados e remátano orgullosos do aprendido.
Redacción Salnés