CATOIRA> Este é o terceiro roubo que o restaurante ‘O Rancho’ sofre nun ano, pero o segundo en algo máis de tres semanas.
{flowplayer}images/salnes/ROUBO_RESTAURANTE_CATOIRA.flv{/flowplayer}
Despois de intentar forzar outras dúas fiestras, esta foi a través da cal os ladróns conseguiron entrar no establecemento ó redor das tres e media da mañá. A pesares de que a zona está moi transitada polos coches, non foi impedimento para o roubo, no que se levaron un botín de 2500 euros.
Os cartos correspondíanse coa recadación da máquina comecartos, o único obxectivo que tiveron no interior do local.
Segundo a propietaria, os ladróns perpetraron o atraco nuns trece minutos. O tempo que tardou o seu xenro e un grupo de amigos en chegar ó local, despois de recibir o aviso da compañía de alarmas.
Este é o terceiro roubo que o restaurante sofre nun ano, pero o segundo en pouco máis de tres semanas. Na anterior ocasión, os obxectivos foran as recadacións da máquina comecartos e da expendedora de tabaco. Tanto nesa ocasión como na do venres pasado, as perdas foron importantes, pero o que máis preocupa á propietaria é a inseguridade.
A mesma madrugada do roubo, a Garda Civil trasladouse ata o local para recoller probas. A pesares de que a propietaria denunciou o suceso á mañá seguinte, a día de hoxe non existen pistas sobre a identidade dos ladróns.
Redacción Salnés