VILAGARCÍA> A decisión definitiva depende do Consello de Administración portuario, que se reunirá o vindeiro luns.
{flowplayer}images/salnes/DECLARACIONS_AUTORIDADE_PORTUARIA.flv{/flowplayer}
Este convencemento do equipo directivo do Porto de Vilagarcía sobre as posibilidades da oferta presentada polo grupo do empresario Vicente Boluda, é a que os levou a incluír este punto na orde do día para a xuntanza do novo consello administrativo do vindeiro luns.
De confirmarse que o Consello de Administración concede a licenza de explotación ó grupo, o porto recuperaría o tráfico de contedores no peirao do Ferrazo, paralizado dende o mes de febreiro polo incumprimento da anterior empresa concesionaria. Unha actividade que suporía o despegue económico da entidade.
Puertas tamén resaltou a importancia do Grupo Boluda Corporación Marítima no sector, que se sitúa como o máis importante de Centroamérica a nivel de remolcadores, o segundo de Europa e o terceiro do mundo.
Haberá que agardar ata o luns a partires das cinco da tarde para coñecer se, despois da reunión do Consello Administrador do Porto, o peirao do Ferrazo recuperará o tráfico de contedores.
Redacción Salnés
